Galería de fotos. FAGAMOS A PRAIA ENRIBA DOS ADOQUÍNS. 17 de xuño de 2017

 FAGAMOS A PRAIA ENRIBA DOS ADOQUÍNS

Acción simbólica pola recuperación da Praia do Parrote

17 de xuño de 2017

Galería de fotos

A acción na prensa

http://www.entrenosdigital.com/album/coruna-viva/remace-praia-do-parrote-nas-mans-vecinas-vecinos/20170617160637003554.html 

http://www.lavozdegalicia.es/noticia/coruna/2017/06/18/defensa-do-comun-reclama-playa-parrote/0003_201706H18C4994.htm

http://www.laopinioncoruna.es/coruna/2017/06/18/arena-vuelve-punados-o-parrote/1192013.html

http://www.elidealgallego.com/articulo/foto-noticia/recuperacion-simbolica-playa-parrote/20170617213033338015.html

Advertisements

Area para recuperar a memoria do Parrote

Máis de medio centenar de persoas xuntáronse na maña deste sábado nas murallas defensivas da Cidade Vella para verte area sobre a finca que hoxe ocupa a Solana nun acto simbólico que pretendía lembrar que, antes de ser un complexo deportivo de pago, eses terreos eran a praia do Parrote, un espazo público e aberto aos veciños. O acto, que comezou ás 12.30 horas, foi concebido polo artista Pepe Galán e organizado pola Comisión Aberta en Defensa do Común, que reclama recuperar tanto a “memoria histórica” da existencia do areal como que a titularidade das fincas da Solana e o Hotel Finisterre para o Concello. Actualmente pertencen á Autoridade Portuaria, institución pública que as pretende privatizar vendéndoas á inmobiliaria Río Mero.

O lanzamento simbólico da area veu precedido por varias intervencións relacionadas co pasado da praia do Parrote e a súa importancia para A Coruña. Rosa Quiroga, veciña da Cidade Vella, lembrou como antes do recheo o areal era un espazo de socialización e desfrute dos veciños deste barrio, no que os nenos máis novos aprendían a nadar mentres os coidaban os rapaces maiores e escoitaban de fondo a “tertulia de las madres” que falaban de todo o que acontecía na Coruña e bisbarra. Naqueles tempos o acceso era gratuito, despois construiuse a Solana e “hubo que pagar”, e agora, sinalou, amenaza aos terreos unha privatización que “está en nuestras manos” deter coa “forza popular”, como se fixo, lembrou Quiroga, co proxecto para transformar o veciño Hospital Militar nun hotel.

O arquitecto e investigador Xosé Lois Martínez citou ao intelectual Italo Calvino para sinalar que o que define a unha cidade “non son os obxectos, senón as relacións” que establece a población con eles. Así, explicou que a praia do Parrote foi o “berce ” da Coruña, tanto urbanística como socialmente, pois este areal protexido dos ventos era un porto natural que propiciou que en torno a el se creara o asentamento primixenio do que xurdiu a cidade que hoxe coñecemos. Repasou as diferentes concepcións da Coruña ao longo da historia, como baluarte militar na Idade Moderna, como cidade comercial burguesa no século XIX, ata chegar ao franquismo, a partir do cal “o uso privado é o que manda” e empezou a venda ou concesión a propietarios particulares de lugares clave da franxa costeira, entre eles a propia Solana e o Hotel Finisterre (construido sobre os terreos dunha antiga cárcere que se cederon nos anos 20 ao Concello da Coruña para uso público). A estas alturas, en opinión de Martínez, é necesaria a reflexión sobre un modelo alternativo de cidade ante a hexemonía da opción “neoliberal”.

Pepe Galán, escultor e ideólogo do acto, insistiu na necesidade de preservar a memoria da praia do Parrote, “á que lle fixeron un traxe de cemento os tiburóns de terra”, e tamén a dos desaparecidos regatos que chegaban ao mar nela tras nacer nas fontes da Cidade Vella. Manuel Monge, membro da Comisión, afirmou que a organización seguirá loitando pola devolución “gratuita” da Solana e o Hotel Finisterre, cuxa subasta se reactivará en agosto, para convertirse en espacios de desfrute cidadán.

Despois das intervencións, os asistentes esparciron presadas de area á altura da Porta do Cravo (fronte aos Xardíns de San Carlos), acompañándose de berros de “Praia!” e toques de bucina.

Fagamos a praia enriba dos adoquíns. Acción simbólica. O sábado 17 de xuño, ás 12.30 horas, na Porta do Cravo, fronte o Xardín de San Carlos

FAGAMOS A PRAIA ENRIBA DOS ADOQUÍNS

O sábado 17 de xuño, ás 12.30 horas, na Porta do Cravo, fronte o Xardín de San Carlos, convidamos a participar nesta acción simbólica “pola recuperación da Praia do Parrote”.

“ESPALLA UNHA PRESA DE AREA, AO BERRO DE PRAIA”

 

 

Salvemos Vilar de Fraga. Río Anllóns. Domingo 28 de maio, ás 12 horas. A Laracha

A Comisión Aberta en Defensa do Común apoia a manifestación convocada o domingo 28 de maio, ás 12 horas, na Laracha

A fraga está  nun entorno paisaxístico e arqueolóxico dun valor incalculable e dispón dunha enorme biodiversidade, con 66 especies de alto interese científico, ademais de árbores centenarias.

Véxase a nova no xornal La Voz de Galicia

A manifestación convocada onte pola Comisión Aberta en Defensa do Común nos medios de comunicación

Velaquí algunhas achegas que recollen os medios de comunicación sobre a manifestación convocada onte pola Comisión Aberta en Defensa do Común.

“Miles de persoas maniféstanse na Coruña contra a venda e privatización da fachada marítima”. Sermos Galiza

“A Coruña clama na rúa contra a privatización da súa fachada marítima”. Praza Pública

“Unas 4.000 personas reclaman la devolución gratuita al Concello de los muelles y la Solana”. La Opinión. A Coruña

“Cuatro mil personas exigen la cesión gratuita de los terrenos del Puerto”. La Voz de Galicia

“¡Medre o mar! A Coruña non se vende”. Cadena Ser. Radio Coruña

“A Coruña Non Se Vende”. Galiza Contrainfo

Rolda de prensa. Novas de interese. Recollida de sinaturas e mesa informativa

ROLDA DE PRENSA. NOVAS DE INTERESE

Onte, 4 de maio, ás 10.30 horas a Comisión Aberta en Defensa do Común convocou aos medios de comunicación para informar da manifestación convocada este domingo 7 de maio, ás 12 horas, na Praza da Palloza, e as súas particularidades.

Velaquí algún artigo de interese que fai eco da rolda de prensa e a manifestación convocada este domingo 7 de maio.

http://praza.gal/movementos-sociais/14162/queremos-a-coruna-enteira-sen-vender-en-anacos/

http://www.laopinioncoruna.es/coruna/2017/05/04/domingo-dia-7-o-turno/1177550.html

http://www.laopinioncoruna.es/coruna/2017/05/04/coruna-inicia-proceso-garantice-titularidad/1177833.html

 

RECOLLIDA DE SINATURAS E INFORMACIÓN SOBRE A MANIFESTACIÓN

Informamos que membros da comisión recollerán sinaturas de apoio e informarán sobre a manifestación convocada o domingo, nas seguintes datas, hora e lugar:

Venres 5 de maio, de 18 a 22 horas. Fronte ao Teatro Rosalía.

Sábado 6 de maio, de 11 a 14 horas, no Cantón Grande.

Sábado 6 de maio, de 18 a 21 horas, no Paseo da Mariña.

 

ACODE, PARTICIPA E DIFUNDE…